Expression of Interest: EU Integration Forum Chapter 4 Free Movement of Capital

1. Kreu
2. Shtypi
3. Njoftimet për shtyp

BANKA E SHQIPËRISË

NJOFTIM PËR SHTYP

Për shprehje interesi për të marrë pjesë në tryezën e diskutimit dhe këshillimit të platformës së partneritetit për integrimin evropian kapitulli 4 “Lëvizja e lirë e kapitalit”

Data e publikimit: 09.04.2026

Në mbështetje të VKM nr.749,datë 19.12.2018,"Për krijimin, organizimin dhe funksionimin e strukturës shtetërore përgjegjëse për zhvillimin e negociatave dhe lidhjen e traktatit të aderimit të Republikës së Shqipërisë në Bashkimin Evropian”, Urdhrit të Kryeministrit Nr. 94, date 20.5.2019 “Për ngritjen, përbërjen dhe funksionimin e grupeve ndërinstitucionale të punës për Integrimin Evropian” si dhe të Urdhërit të Kryeministrit Nr.113, Datë 30.08.2019, për "Format e pjesëmarrjes, funksionimin dhe strukturën institucionale të Platformës së Partneritetit për integrimin Evropian", bëhet ky njoftim për të qenë pjesëmarrës në diskutimet dhe këshillimet e Tryezës  së Diskutimit dhe Këshillimit të Platformës së Partneritetit për Integrimin Evropian për kapitullin 4.

Qëllimi kryesor i kësaj kësaj Tryeze të Diskutimit dhe Këshillimit të Platformës së Partneritetit për Integrimin Evropian, është të diskutojë, të shqyrtojë dhe të ndërmarrë qëndrime dhe rekomandime drejtuar Sekretariatit të Integrimit Evropian e strukturave të tjera përgjegjëse në procesin e integrimit evropian, për çështjet e fushat specifike.

Të gjithë anëtarët e strukturave jo-shtetërore, që duan të jenë pjesë e diskutimeve dhe këshillimeve të kësaj Tryeze të Diskutimit dhe Këshillimit të Platformës së Partneritetit për Integrimin Evropian, duhet të përfaqësojnë një nga grupimet e mëposhtme:

• Organizatat e shoqërisë civile,
• pushteti vendor,
• komuniteti i biznesit,
• shoqata e punëmarrësve,
• bota akademike, qendrat kërkimore
• media
• grupe të tjera interesi Të gjithë anëtarët e strukturave jo-shtetërore, ftohen të dërgojnë brenda 14 ditëve nga shpallja e institucionit përgjegjës për kryesimin e kapitullit, datë 23 prill 2026, formularin e plotësuar të aplikimit, ku të përcaktohet qartë përvoja, si dhe interesi për të qenë pjesë e Tryezës së Diskutimit dhe Këshillimit të Platformës së Partneritetit për Integrimin Evropian, në adresën e postës elektronike public@bankofalbania.org.

Personat e përzgjedhur dhe ata të skualifikuar, së bashku me arsyet e skualifikimit, do të njoftohen përmes adresës së postës elektronike.

• Formulari aplikimit